Foi en 1863 cando se publicou na capital habanera os Cantares gallegos de Rosalía de Castro, obra marcada pola expresión intimista, a poesía reivindicativa centrada na soidade da emigración e a defensa da lingua e do pobo galego.
Cen anos máis tarde, a Real Academia Galega instaura o 17 de maio, data aproximada da publicación de Cantares gallegos, como o Día das Letras Galegas cuxo obxectivo é render unha homenaxe a todas aquelas figuras literarias que loitaron pola defensa da lingua e da cultura galega.
Este ano o homenaxeado é Ramón Piñeiro (Láncara [Lugo], 1915-Santiago de Compostela, 1990), primeiro presidente do Consello da Cultura Galega. Este político e intelectual, denominado “o filósofo da saudade”, é autor, entre outras, de obras como Significado metafísico da saudade, notas pra unha filosofía galaico-portuguesa, Filosofía da saudade ou A linguaxe e as linguas. Piñeiro foi un incansable defensor e impulsor da normalización da lingua nos escuros anos da posguerra, director editorial de Galaxia na transición e membro numerario da Real Academia Galega. A través de diversos actos que se celebrarán en todos os concellos de Galicia, lembrarase a súa figura e a influenza desta na nosa historia cultural.
